Sep 202014
 

upcoming

Սեպտեմբերի 22-ին` ժամը 19:00-ին,  Թումոյում տեղի կունենա հանդիպում տեսողական էֆեկտների վետերան Ռոջեր Կուպելյանի հետ, ով հայտնի է իր աշխատանքներով «Մատանիների տիրակալը»  և Քլինթ Իսթվուդի «Մեր հայրերի դրոշները» ֆիլմերի համար:

Նա կպատմի իր ընթացիկ աշխատանքի, այն է՝ «Բյուզանդիայի արևելքը. Պատերազմի աստվածները և պատերազմող սրբերը» փաստագրական մինի սերիալների շարքի ստեղծման մասին: Ֆիլմում ներկայացվում է Հայաստանի պատմական դերը քրիստոնեության տարածման գործում: Աշխատանքները մեկնարկել են այս տարվա հունիսից Հայաստանում, իսկ ֆիլմի համար երաժշտությունը կհեղինակի Սերժ Թանկյանը:

Հանդիպումը Կուպելյանի հետ տեղի կունենա  Թումո կինոսրահում: Մասնակցությունը՝ նախնական գրանցումով http://goo.gl/wiwwAU

Continue reading »

Sep 192014
 

1415678_564946710299613_1932171892_n

Հարգելի բարեկամներ,

Տեղեկացնում ենք, որ Երևանում 2014 թվականի սեպտեմբերի 29-ից մինչև հոկտեմբերի 2-ը  տեղի կունենա հայոց լեզվի ծագման ու պատմական զարգացման հիմնահարցերին նվիրված անվճար դասընթաց (դասախոս` Հրաչ Մարտիրոսյան, PhD Լեյդենի համալսարան): Դասախոսությունները կտևեն օրական շուրջ 4 ժամ:

Դասընթացի նպատակն է ուրվագծել հայոց լեզվի զարգացման ընթացքը` հնդեվրոպական նախալեզվի տրոհումից մինչև գրաբար, այնտեղից էլ` միջին հայերեն ու բարբառներ, և ծանոթացնել հնչյունաբանական ու ստուգաբանական ուսումնասիրությունների հիմնական սկզբունքներին: Զգալի դեր կհատկացվի գործնական աշխատանքներին: Դասընթացի նյութերը կտրամադրվեն բոլոր մասնակիցներին:

Դասընթացին մասնակցել ցանկացողներին խնդրում ենք հնարավորինս շուտ մասնակցության հայտ ուղարկել (ներկայացնել ազատ ոճովinfo@armscoop.com էլ.փոստին: Ցանկալի է, որ հայտի մեջ նշեք ձեր մասնագիտությունը, հետաքրքրությունները, թեմատիկ նախասիրությունները, ինչպես նաև կցեք ձեր CV-ները: Այդ տեղեկությունները մեզ կօգնեն հնարավորինս արդյունավետ կերպով կատարել մասնակիցների ընտրությունը և կազմակերպել դասընթացը:

Ընտրված մասնակիցներին կտեղեկացնենք դասախոսությունների տեղի մասին: 

Sep 172014
 

sadԳիտաժողովի թեման՝  World War I and the Non-Turkish Minorities in the Ottoman Empire: Armenians, Assyrians and Greeks (Առաջին համաշխարհային պատերազմը և ոչ-թուրք փոքրամասնությունները Օսմանյան կայսրությունում. հայերը, ասորիները և հույները)
Անցկացման ժամկետները՝ 21-22 Մայիսի, 2015թ.
Դիմելու վերջնաժամկետ՝ 15 Նոյեմբերի, 2014թ.

Կազմակերպիչը՝ The Asia Minor and Pontos Hellenic Research Center, Zoryan Institute, The Middle East and Middle Eastern American Center (Graduate Center, City University of New York)

Գիտաժողովը կանդրադառնա Օսմանյան կայսրության ոչ-թյուրք, և հատկապես քրիստոնյա փոքրամասնությունների խնդիրներին ամենալայն գիտական տեսանկյուններից: Կազմակերպիչները կհոգան որոշ մասնակիցների ճանապարհի և կեցության ծախսը: Ընտրված զեկույցները կհրապարակվեն: Շարունակությունը տե՛ս ստորև.

The Middle East and Middle Eastern American Center (Graduate Center, City University of New York), The Asia Minor and Pontos Hellenic Research Center, and the Zoryan Institute invite submissions of manuscript abstracts for an upcoming conference entitled World War I and the Non-Turkish Minorities in the Ottoman Empire: Armenians, Assyrians and Greeks.

Continue reading »

Sep 162014
 

804455_10204632825289764_1201485440_n

EducationUSA կրթական ցուցահանդես

 6-ը հոկտեմբերի, 2014թ.

16:00-18:00

«Ռոյալ Թուլիփ Գրանդ Հոթել Երևան»

Աբովյան 14 (Մոսկվա կինոթատրոնի հարևանությամբ)

Մուտքն ազատ է:

Նպատակ ունե՞ք սովորելու ամերիկյան առաջատար համալսարաններում և ձեռք բերելու որակյալ կրթություն, որը Ձեզ մրցունակ կդարձնի աշխատաշուկայում: Մասնակցե՛ք EducationUSA կրթական ցուցահանդեսին:

Ամերիկյան հեղինակավոր համալսարանների ներկայացուցիչներն անձամբ Ձեզ կտեղեկացնեն համալսարաններ դիմելու անհրաժեշտ փաստաթղթերի, քննությունների, ինչպես նաև այդ բուհերում սովորելու առանձնահատկությունների և առավելությունների մասին: Հնարավորություն կունենաք տեղում հղել Ձեզ հուզող հարցերը նրանց և ստանալ անհրաժեշտ տեղեկատվություն:
Արդյունքում Դուք կիմանաք, թե կրթական որ հաստատություններն են առավելագույնս բավարարում Ձեր պահանջներն ու նախասիրությունները:

Continue reading »

Sep 162014
 

Scandinavian

ՑԵՂԱՍՊԱՆԱԳԵՏՆԵՐԻ ՄԻՋԱԶԳԱՅԻՆ ԸՆԿԵՐԱԿՑՈՒԹՅԱՆ 12-ՐԴ ՀԱՄԱԺՈՂՈՎԸ` ԵՐԵՎԱՆՈՒՄ

20-րդ դարի ցեղասպանությունների համեմատական վերլուծություն
Ցեղասպանագետների միջազգային ընկերակցության
12-րդ համաժողով
8-12 հուլիս 2015, Երևան

Հայոց ցեղասպանության թանգարան – ինստիտուտը 2015 թվականի հուլիսի 8-12-ը հյուրընկալելու է Ցեղասպանագետների միջազգային ընկերակցության (ՑՄԸ) 12-րդ համաժողովը, որի խորագիրն է «20-րդ դարի ցեղասպանությունների համեմատական վերլուծություն»:

Հեղինակավոր այս համաժողովի անցկացումը Երևանում աննախադեպ է լինելու թե՛ մասնակիցների քանակի, թե՛ ակադեմիական բարձր վարկանիշի և, իհարկե, Մեծ Եղեռնի հարյուրերորդ տարելիցի տեսանկյունից:

Համաժողովին իրենց մասնակցությունը կբերեն ցեղասպանագիտության և հարակից ոլորտների հարյուրավոր լավագույն մասնագետներ աշխարհի տարբեր երկրներից:

2015 թ. հուլիսին անցկացվելիք համաժողովը նվիրվելու է Հայոց ցեղասպանության 100-րդ, ինչպես նաև Երկրորդ համաշխարհային պատերազմի և Հոլոքոստի 70-րդ տարելիցներին:
Continue reading »

Sep 142014
 

rabstol_net_books_12
Հարգելի´ բարեկամներ,

Տեղեկացնում ենք, որ կազմակերպվում է գրքահավաք Լոռու մարզի Արևածագ գյուղի համայնքային գրադարանի համար, որը կարիք ունի նոր և թարմ գրականության` դրանով իսկ բավարարելով մոտ 200 ակտիվ ընթերցողների պահանջները:

Ինչպես մասնակցել.

Ա. Գրքեր տրամադրելով։ Առավել անհրաժեշտ գրականությունը հետևյալն է՝

  • Հայ դասական և ժամանակակից գեղարվեստական գրականություն
  • Մանկական և արկածային գրականություն
  • Գիտահանրամատչելի գրքեր
  • Հանրագիտարաններ, բառարաններ, տեղեկատուներ
  • Արվեստագիտական գրականություն, նկարիչների ալբոմներ
  • Նոր շրջանի մասնագիտական գրքեր (հատկապես հոգեբանության, մանկավարժության և փիլիսոփայության),
  • Անգլերեն լեզվով մատչելի (A1-A2 մակարդակի) գրքեր,
  • Արտասահմանյան գեղարվեստական գրականություն (հայալեզու):

Continue reading »

Sep 132014
 


10626617_1461608104120511_6055979328601732149_n

ԵՓՐԱՏ-մերձավորարևելյան ուսումնասիրությունների կենտրոնը հրավիրում է «Թուրքիայի առցանց լրատվամիջոցների առանձնահատկությունները» թեմայով դասընթացին, որն անց է կացնելու թուրքագետ Գևորգ Պետրոսյանը։ Դասընթացը կարող է հետաքրքրել ինչպես ուսանողներին, այնպես էլ՝ լրագրողներին։
«Թուրքիայի առցանց լրատվամիջոցների առանձնահատկությունները» թեմայով մեկօրյա դասընթացը կանցկացվի 2014 թվականի սեպտեմբերի 17-ին՝ ժամը 19։00-ին, «Զորակն» հիմնադրամում (հասցեն՝ ք. Երևան, Կիևյան 24, #65)։

Դասընթացի տևողությունը՝ 80-100 րոպե:

Դասընթացի լեզուն՝ հայերեն։

Խնդրում ենք Ձեր մասնակցությունը հաստատել՝ EuphratesCenter@gmail.com էլ. փոստին ուղարկելով նամալ, որտեղ պետք է նշել Ձեր անուն/ազգանունը, հեռախոսահամարը (լրատվամիջոցների ներկայացուցիչները՝ իրենց լրատվամիջոցը, ուսանողները՝ բուհերը)։
Հարցերի համար կարող եք զանգահարել 055 15 65 95 հեռ.։

Հարգանքներով, ԵՓՐԱՏ-մերձավորարևելյան ուսումնասիրությունների կենտրոն

Աղբյուր

Sep 132014
 

Վարուժան Գեղամյանն իր թյուրքագիտական բլոգում գրում է.

Յուրաքանչյուր լուրջ հետազոտողի/գիտնականի համար պարզապես անհրաժեշտություն է մշտապես տեղյակ լինել, թե ինչ է գրվում ու քննարկվում այդ պահին աշխարհի առաջատար գիտական դպրոցներում իր գիտական հետաքրքրությունների վերաբերյալ:

Օրինակ մենք, թյուրքագետներս, պարտավոր ենք նայել, ընթերցել ու քննարկել այն մասնագիտական գործերը, որոնք որ անմիջապես մտնում են մեր գիտա-գործնական հետաքրքրության շրջանակների մեջ: Հաշվի առնելով վերոնշյալը՝ որոշեցի, որ այսուհետ բլոգում ամեն եռամսյակը մեկ կներկայացնեմ այդ ընթացքում նոր լույս տեսած թյուրքագիտական ամենակարևոր ու հետաքրքիր գրքերն ու գիտական հոդվածները:

Ավելացումները, առաջարկներն ու  (առավել ևս) գրախոսականները խիստ ողջունվում են:

Դե ինչ, ստորև ներակայացնում եմ 2014 թվականին մինչ օրս հրատարակված անգլալեզու գրքերի ցանկը, որոնք վերաբերում են Օսմանյան կայսրության պատմությունը (հաջորդիվ կլինի ժամանակակից Թուրքիայի պատմության վերաբերյալ գրքերի ցանկը): Ուշադրություն դարձրե՛ք հատկապես այն գրքերին, որոնք վերաբերում են Հայաստանին ու հայությանը:

Continue reading »

Sep 112014
 
Profile PictureՀՀ նախագահի հովանու ներքո իրականացվող Երիտասարդ գիտնականների աջակցության ծրագիրը հրավիրում է մասնակցելու գիտական հոդվածների նախագծին: Այս նախագծին կարող են մասնակցել ՀՀ քաղաքացի և/կամ ազգությամբ հայ, առնվազն մեկ տարի ՀՀ-ում մշտապես բնակվող գիտահետազոտական աշխատանք կատարող բոլոր այն երիտասարդ գիտնականները (մինչև 35 տարեկան), որոնք սույն հայտարարության հրապարակումից հետո (15.09.2014թ.) կտպագրեն գիտական հոդվածներ ազդեցության գործակից (ԱԳ ըստ Thomson ReutersJournal Citation Reports®) ունեցող պարբերականներում: Հաշվի են առնվելու միայն այն հոդվածները, որոնց համահեղինակների ցանկում հայտատուի անունն առաջինն է կամ հայտատուն տվյալ հոդվածի միակ հեղինակն է: Նախագծին կարող են դիմել նաև այն երիտասարդ գիտաշխատողները, որոնց հոդվածի էլեկտրոնային տարբերակը լույս է տեսել տպագիր տարբերակից ավելի շուտ: 

Յուրաքանչյուր հոդվածի համար պարգևավճարը տրվում է համաձայն ստորև ներկայացված սանդղակի՝
0.1-0.5 ԱԳ-ով պարբերական – 40.000 դրամ

0.5-1.0 ԱԳ-ով պարբերական – 50.000 դրամ
1.0-2.0 ԱԳ-ով պարբերական – 60.000 դրամ
2.0-3.0 ԱԳ-ով պարբերական – 70.000 դրամ
3.0-4.0 ԱԳ-ով պարբերական – 80.000 դրամ
4.0-5.0 ԱԳ-ով պարբերական – 90.000 դրամ
5.0 ԱԳ-ից մեծ պարբերական – 100.000 դրամ

Continue reading »

Sep 072014
 

pgal-view-2598

FLEX-ը մշակութային փոխանակման ծրագիր է, որը հնարավորութուն է տալիս մրցույթը հաղթող դպրոցականներին մեկ տարի ուսանելԱՄՆ-ի ավագ դպրոցներում: FLEX կրթաթոշակային ծրագիրն ամբողջովին ֆինանսավորվում է ԱՄՆ-ի կառավարության կողմից:

Դիմորդները քննություններ են հանձնում և ընտրվում են բաց և արժանիքների վրա հիմնված երեք փուլից բաղկացած մրցույթի միջոցով:

ՈՎՔԵ՞Ր ԿԱՐՈՂ ԵՆ ԴԻՄԵԼ ԾՐԱԳՐԻՆ

2014 թ. սեպտեմբերին ՖԼԵՔՍ ծրագրին դիմելու համար 2015-2016 ուսումնական տարվա մրցույթի դիմորդները պետք է

  • դիմելու պահին սովորեն 9-րդ, 10-րդ, 11-րդ կամ 12-րդ դասարաններում
  • ծնված լինեն1997 թ.-ի մարտի 15-ից 2000 թ.-ի հուլիսի 15-ն ընկածժամանակահատվածում
  • ունենան լավ կամ գերազանց առաջադիմություն
  • ունենան անգլերենի իմացություն
  • համապատասխանեն ԱՄՆ մուտքի արտոնագիր ստանալու պահանջներին
  • լինեն Հայաստանի Հանրապետության քաղաքացի և բավարարեն ՀՀ անձնագիր ստանալու պահանջներին

Continue reading »